ئەمڕۆ لە کۆنگرەیەکی ڕۆژنامەوانی، ستێفانی ئیلۆپی بەڕێوەبەری نۆکیا و ستیڤ باڵمەڕی بەڕێوەبەری مایکرۆسۆفت هاوپەیمانییەکیان پێکەوە ڕاگەیاند کە نۆکیا Windows Phone 7ی مایکرۆسۆفت بەکاردەهێنێت لەسەر مۆبایلەکانی و مایکرۆسۆفتیش سوود لە چەند خزمەتگوزارییەکی نۆکیا وەردەگرێت.
گووگڵ لە سەرەتای پێگەیشتنیەوە دەیان کۆمپانیای کڕیوە کە هەریەکەیانی لە بەرهەمێک یان پڕۆژەیەکی خۆیدا بەکارهێناوە بۆ پەرەپێدانی. ئەم وێنەیەی خوارەوە سەرجەم کڕینەکانی ڕوون دەکاتەوە کە لە چ ڕێکەوتێکدا کڕیویەتی و بۆ چ مەبەستێک سوودی لێ بینیوە.
دیارە مەبەستم لە شاری هاولێر نییە، بەڵکو ڕۆژنامەی هەولێرە کە لە ناونیشانی ماڵپەڕەکەیاندا ccTLDی وڵاتی هندستانیان بەکارهێناوە. بەڵام ئاخۆ حیکمەت چی بێت لەو کارە؟ نازانم.
درێژەی بابەت …
فەرهەنگی ئایتیی زانستپەروەرانی کورد کە لە مانگی ئەیلوولدا چاپی یەکەمی لێ بڵاوکرایەوە بە تیراژی ١٠٠٠ دانە، زۆرێکیان بەسەر دام و دەزگا حکوومی و ئەکادیمییەکاندا دابەشکرا، بۆیە چانسی ئەوە زۆرە کە ئێستا خاوەنی یەکێک لەو فەرهەنگانە نەبیت. بەڵام ئەمە نابێتە ڕێگر لەوەی کە نەتوانی ناوەڕۆکی فەرهەنگەکە ببینیت.
ماڵپەڕی یوتوب و کەناڵی ئەلعەرەبییە دۆستایەتییەکیان پێک هێناوە بۆ سازدانی چەند چاوپێکەوتنێک لەگەڵ سەرکردە دیارەکانی ئێراق لەسەر ماڵپەڕی یوتوب کە تیایدا وەڵامی پرسیارەکانی بەکارهێنەران ئەدەنەوە.
ئەگەر پێشتر فلیکرت کردبێتەوە ئەوا ئەزانیت لەگەڵ هەموو سەردانێکتدا بە زمانێکی جیاوز سڵاوت لێ ئەکات. لەخواریشەوە پێت دەڵێت کە ئەو وشەیە هی چ زمانێکە. بۆیە ئەگەر بەکارهێنەرێکی کۆنی فلیکریت، ئەوا دوور نییە ئێستا بە هەموو زمانەکان بتوانیت سڵاو بکەیت!
فەیسبووک گەورەترین ڕایەڵەی کۆمەڵایەتییە کە زیاد لە ٥٠٠ ملیۆن بەکارهێنەری هەیە و بە تێکڕاش بەکارهێنەران کاتێکی زۆر لەسەر فەیسبووک ئەمێننەوە و بووەتە هۆی ئاڵوودەبوونیان. لەم بابەتەدا ئەم کویزە ئەنجام بدە بزانە ئاڵوودەبوویت بە فەیسبووک؟ یان لەوانەیە FADـیت هەبێت :) Facebook Addiction Disorder
درێژەی بابەت …
ڕۆژنامەنووسێکی ژاپۆنی کە ماوەی ٦ مانگ لە زیندانێکی ئەفغانستان گیراوە و هەواڵی مانی نادیار بووە، لە ڕێی مۆبایلێکەوە لە ماڵپەڕی تویتەر پەیامێک بڵاو ئەکاتەوە و ئەنووسێت “من هێشتا زیندووم، بەڵام لە زیندانم” سەرەنجام ڕۆژی دواتر ئازاد دەکرێت.
لە زۆرێک لە ماڵپەڕەکان کاتێک پەڕگەیەک بار ئەکەیت (Upload)، پێت پیشان نادات کە ڕێژەی چەند لە پەڕگەکە بار کراوە یان خێرایی بارکردنەکە چەندە. بۆ هێڵێکی هێواشی وەک هێڵەکانی کوردستانیش کە هەمیشە کاتێکی زۆر ئەخایەنێت بۆ داگرتن و بارکردن دوور نییە پەڕەکە دابخەیتەوە یان بارکردنەکە هەڵبوەشێنیتەوە لەبەر ئەوەی پێت وایە پڕۆسەکە شکستی هێناوە.
هەندێک لە ماڵپەڕەکان بۆ پاراستنی ناوەڕۆک، کرتەی ڕاست (right click)یان قەدەغە کردووە تا بەکارهێنەر نەتوانێت دەقەکان ڕوونووس بکات یان وێنەکان پاشەکەوت بکات. بەڵام ئەوە کارە هیچ ڕێگر نییە لەبەردەم چالاککردنەوەی کرتەی ڕاست لەسەر ئەو ماڵپەڕانە. بۆیە زۆربەی کات ناچالاککردنی کرتەی ڕاست لەلایەن ماڵپەڕەکانەوە، بەڵگەی نەزانی/کەم شارەزایی و بێ ئاگایی خاوەن ماڵپەڕ ئەگەیەنێت.
