بۆ گواستنەوەی وێنەی گیراو بە iPhone بۆ سەر کۆمپیوتەر کارێکی ئاسانە و پێویستی بە هیچ بەرنامەیەک نییە. ئەمانەش هەنگاوەکانی گواستنەوەی وێنەیە لە ئایفۆنەوە بۆ سەر کۆمپیوتەر:

١. iPhoneەکە دەبەستین بە کۆمپیوتەرەکەوە لە ڕێگەی USB Cableەکەی Appleـەوە (ئەو کەیبڵەی کە لەگەڵ ئایفۆنەکەتدایە). ئەم پەنجەرەیە دەکرێتەوە:

٢. کرتە لە Next بکە. پاشان دەتوانیت ئەو وێنانە هەڵبژێریت کە دەتەوێت بیگوێزیتەوە سەر کۆمپیوتەرەکەت.

٣. لێرەدا دەبێت شوێنێک دیاری بکەین بۆ ئەوەی وێنەکانی تیادا پاشەکەوت بکرێت.

٤. لە کۆتایدا دەتوانیت بڕیار بدەی، ئایا دەتەوێت وێنەکان بڵاوبکەیتەوە لە وێب، یاخود چاپیان بکەی، یان هیچی لێ نەکەیت.
پاش بڕیاردان کرتە لەسەر Next دەکەین.

٥. لێرەدا کرتە لەسەر Finish دەکەین و پەنجەرەیەکی نوێ دەکرێتەوە کە وێنەکانی تیادا نمایش کراوە.

تێبینی: ئەگەر کاتێک ئایفۆنەکەت بەست و هیچ پەنجەرەیەک نەکرایەوە، دەتوانیت Scanner and Camera Wizard بکەیتەوە و ئەو پێنج خاڵەی سەرەوە جێبەجێ بکەیت. بەم شێوەیە بیکەرەوە:

Start > All Programs > Accessories > Scanner and Camera Wizard