سامسۆنگ مۆبایلێکی نوێ کە خاوەن گەورەتین شاشەیە لە ئاستی مۆبیلەکاندا لەگەڵ تابلتێکی نوێ بە شاشەی ٧.٧ ئینچ بڵاو دەکاتەوە کە هەردووکیان شاشەیەکی Super AMOLED Plus ـیان هەیە بە دوورییەکانی ١٢٨٠ x ٨٠٠.

مۆبایلەکەی سامسۆنگ ناوی Galaxy Note ـە و تابلێتەکەش بەناوی Galaxy TAb 7.7 ـە. هەردووکیان پرۆسێسەرێکی دوانی (dual-core) ـی ١.٤ گێگاهێرتزیان هەیە لەگەڵ ڕامی ١ گێگابایت. باتری Galaxy Note ٢٥٠٠ mAh ـە، شاشەکەی ٥.٣ ئینچە بەمەش خاوەنی گەورەترین باتری و شاشەیە لەنێو مۆبایلەکاندا. کامێراکەی ٨ مێگاپیکسڵە و ئەستوورییەکەی ٩.٦٥ میلیمەترە. وەشانی ئەندرۆید ٢.٣ Gingerbreadی لەسەرە. لەگەڵ هەندێ لە تایبەتمەندییەکانی تری وەکو بلوتووس ٣. USB 2.0. Wi-Fi b/g/n.  بیرگەی ٢ گێگابایت. NFC. Stylus.

Galaxy tab 7.7 کامێراکەی ٣ مێگاپیکسڵە. باترییەکەی ٥١٠٠ mAh ـە. ئەستووری ئەم تابلێتە ٧.٨٩ میلیمەترە بەمەش دەبێتە تەنکترین تابلێت، تەنانەت لە Galaxy Tab 10.1یش ترنکتر. شاشەی ئەم ئامێرە ٧.٧ ئینچە و وەشانی ئەندرۆید ٣.٢ی لەسەرە و کێشیشی تەنها ٣٣٥ گرامە.